賴音

【茶餐廳】
話說在某某茶餐廳同朋友坐底飲杯野!

有一位侍應走埋黎就同我地講:你地死左未呀!

我地當然覺得莫明奇妙啦!仲答番個侍應話:我地梗係未死啦!

原來個侍應想同我地講:你地寫左野未呀!

之後我地成班朋友每次去到個間茶餐廳玩番個侍應話:唔該死野呀!



【豐澤電器】

話說某Y在豐澤電器欲購電視機,向售貨員詢問:"

請問呢部電視機有冇電視框呀?"

售貨員莫明奇妙但仍恭恭敬敬地答: "有"

"咁電視框幾多錢呀"

"太太,唔好意思,要成架買,冇電視框" 某某無奈地離去了。

原來"電視框=DISCOUNT "


【McDonald's】

話說N年之前有朝早我去麥當勞買早餐食﹐我好有禮貌咁同個賣包o既女人

講 ﹕"豬柳漢堡丫" 個女o既同我講﹕ "要蛋呀﹖"

因為o個時我身上無乜錢﹐我又唔係太鐘意食豬柳蛋漢堡﹐于是乎我就好有

禮貌回 答﹕" 唔要蛋喇﹐唔該"

個女人好勞氣咁講﹕ " 你要蛋喎﹖"

我開始無乜耐性﹐我答佢﹕"我唔要喇﹐我只係要豬柳漢堡咋"

個女人更 加 勞氣咁話﹕"要蛋一蛋呀﹐要蛋十分鐘呀..."

蛋=等~


【美心快餐】

當年去食美心個姐姐話 , -- 歡迎來「米心廢親」



【麥旋風】

話說有一日有個呀伯想去Mc記買新產品麥旋風,呀伯就去排隊啦,

到佢個陣,佢就同Mc當當位姐姐話想個種食品,

點知呀伯諗極都諗唔起個種食品叫乜名,

最後佢終於記得,佢就大大聲同Mc當當姐姐話:唔該俾杯黑旋風丫!



【生殖】

八達通 這幾年大行其道，可惜對老年人卻有點陌生，

話說 有兩個公公婆婆 去地鐵站搭車 ，但遇上
八達通的儲值用完了，公公同婆婆

講：「我地要生殖啦....」

婆婆：「生殖呢家野，緊係要搵個後生仔架啦.......先生請問......」


有賴音既人~快d改善下la!!