2012-1-24 00:01
CJ君人
姚瑩瑩巨B黃金戰衣賀歲
[img]http://ol.mingpao.com/ftp/Lady/20120123/saa01/_23MI002_.jpg[/img]
【明報專訊】今日大年初一，大姐大祝大家龍馬精神，財源滾滾來！龍年娛樂圈一片喜氣洋洋，天王劉德華、天后陳慧琳及楊千嬅、靚港姐郭羨妮等二代龍B將會排住隊出世，生氣勃勃！龍B們暫時還在媽咪肚裏孕育中，遲些才跟大家見面。今日大姐大特別請來趣致兔B仔Evan同大家拜年，Evan穿上媽咪姚瑩瑩準備的金色賀年服，可愛程度爆燈！
Evan是兔年娛樂圈數一數二的重磅B，出世時重9.2磅，現在6個月大已跳升至近20磅，分量十足。Evan一雙標誌大眼如波子般，圓睩睩好精靈，是爸媽眼中的開心果。有子萬事足的瑩瑩同大姐大講：「Evan好嗲我，識得拖住我隻手，搞到爸爸都有啲呷醋。」
Evan首次過農曆年，又得人心，當然利市會滾滾來。瑩瑩笑言：「我已經教定囝囝飛吻同『請請』兩個煞食招數，一定𧨾得大家好開心。」Evan肥肥白白，全靠媽媽瑩瑩的悉心照料，特別是飲食，近日她以苦瓜、菠菜、麥片、牛奶製作營養餐，Evan食得津津有味。
二代B個個營養足，大得快。兔B女中，陳浩民囡囡雅薷真是快高長大，2個多月大表情鬼馬，被媽媽Lisa笑指跟爸爸浩民一個餅印，將來是否可以演女版孫悟空？雅薷肥嘟嘟，影相時眼仔睛睛、笑咪咪望着鏡頭似識放電，冧到爸媽暈得一陣陣！
Lisa望着囡囡流露幸福神情，她搞笑地說：「我像『複印機』，複製出一個和浩民長得一模一樣的囡囡；有時又覺得自己是一個『加工廠』，每天都製造出很多乳汁；有時又覺得自己是一個『機械人』，每天不停重複做同一個程序……」
Lisa說雅薷似浩民，但大姐大覺得雅薷都好似媽咪，是浩民與她的混合版。