阿媽數臭胡漢清：點解生咁既仔

[youtube]MHgum8yFUAk[/youtube]

【本報訊】資深大律師、全國政協胡漢清最近被84歲母親莊永楚（Linda）力數不是，指他霸佔逾2,000萬元家產，令胡母晚景淒涼。胡母昨接受本報專訪時，提起兒子時眼有淚光，坦言兒子未有一日孝順過自己。被兒子戲稱是「老頑皮」、經常「玩失蹤」，胡母搖頭嘆息，揚言曾想過自殺，反問：「點解生個咁嘅仔出嚟？」
記者：周鳳儀

[img]http://static.apple.nextmedia.com/images/apple-photos/apple/20130322/small/22la1p2.jpg[/img]
「我諗過自殺」■莊永楚接受本報專訪時，表示終日以淚洗面，「我諗過自殺，點解生個咁嘅仔出嚟？」仇志德攝


胡漢清最近低調迎娶息影女星江希文，急召母親莊永楚由加拿大返港卻發生連串風波。現年84歲的胡母莊永楚，指摘兒子胡漢清並大數兩人的資產糾紛，更謂被拒返回胡家的沙宣道大宅。胡漢清前日書面澄清母親的指摘，強調十分痛錫母親，只是需時間處理財務。
[img]http://static.apple.nextmedia.com/images/apple-photos/apple/20130322/small/22la1p3.jpg[/img]
■胡漢清被指不孝，得知母親召開記者會，傳晚上即約母親見面。資料圖片

「呢啲全部唔係事實，我可以逐點反擊。」
昨日下午2時半，胡母由姪女及姪女丈夫陪同下，在銅鑼灣皇冠酒店咖啡室接受本報專訪，胡母要求記者讀出胡漢清的書面澄清，聽到兒子形容自己是「老頑皮」及常「玩失蹤」便搖頭嘆息，「呢啲全部唔係事實，我可以逐點反擊」。隨即拿出一大叠文件，包括胡漢清與前妻Rachel（余慧敏）離婚時，為證明自己擁有物業權的誓章及公證書，還有胡母去年返港時，被兒子安排入住銅鑼灣一酒店的單據。
她承認曾約見律師，當被問到是否想將事件鬧上法庭？她略帶猶豫說﹕「我唔想上法庭。」
訪問期間莊永楚的電話突然響起，莊示意身邊人說﹕「我唔想聽。」

[img]http://static.apple.nextmedia.com/images/apple-photos/apple/20130322/small/img0000029_a01.gif[/img]


「至今未有機會，亦從來未有。」
記者問她有沒有與兒子直接聯絡，她說：「至今未有機會，亦從來未有，全部冇照顧過我。話我失蹤，我點通知佢？我打電話畀佢，佢即刻收線，樣樣經過黃律師（胡漢清代表律師黃寧寧）講，唔係我好似神秘咁樣，佢有我電話，乜都有。」
報道出街後，胡母曾多次致電兒子，但不是不聽電話便是轉駁留言信箱，令她十分洩氣。
胡母獨力養大兒子，兩人之間過去亦有過很多點滴回憶，如今反目令她萬般感慨。
以下是胡母與記者部份對話。
記： Alan（胡漢清）孝唔孝順？
胡母：（嘴角一戚）未覺得佢孝順過我一日，我未使過佢一蚊。

記：過去有冇開心回憶？
胡母：我生日佢送禮物畀我，大家送嚟送去就有。我原諒佢係男仔啦，佢嚟加拿大度假，佢會話「媽咪你咁慢呀！行快啲！」佢唔會扶住我，但快啲我就跌到，我就喊啦，我起身佢又叫我快啲啦，我想唔去食……父母唔會唔原諒個仔，但我唔知，成個人轉咗，我唔識講。

記：今日睇報道有乜感覺？
胡母：我好shock（震驚）（托頭），我個腦冇……（語調越來越細）睇到我唔想睇落去，嗰啲唔係事實。

記：不如你打畀Alan和解？
胡母：（陰陰嘴笑）打畀佢？幾點？5點先起身。

記：𠵱家3點幾仲未起身？
胡母：呢個係佢個life，3點起身，5點司機喺門口接佢返工，凌晨1點返屋企食飯，我哋同細路、Rachel（第二任妻子）6點半食飯，佢就啱啱返工，佢返嚟Rachel就煮飯，Rachel煮飯幾叻。看更點講呀（露出難得的笑臉）呢個係佢個lunch，我哋瞓覺時，佢就講business，同人講裝修，凌晨1、2點傾生意。

[img]http://static.apple.nextmedia.com/images/apple-photos/apple/20130322/small/a1.jpg[/img]
■獲母親悉心栽培到英國留學的胡漢清，當年以23歲之齡成為全港最年輕大律師。

「佢舊年到𠵱家都未搵我傾過，點解忽然間叫我傾？」
約五分鐘後，電話再次響起，原來是胡漢清的秘書致電胡母，她細聽一會後，眉頭緊皺，向電話中的人說﹕「我唔識睇短訊。」其間眼球不停轉動，再說：「佢舊年到𠵱家都未搵我傾過，點解忽然間叫我傾？解決問題，約咗周一，佢又唔得後約周二，佢由舊年到𠵱家都未約過我傾過偈。佢太忙？佢覺得我唔開心？OK，佢想幾時見我，我講定日子同佢見面，我有嘢做緊，遲啲再覆你。」
短訊內容大致是希望雙方能會面解決問題，寫道：「誠意請您再訂日子，見面會商解決問題。但冰封三尺非一日之寒，胡生希望有專業調解人參與，好好解決問題。」據悉兩人曾約在本周二（3月19日）見面，但因下大雨取消，胡母解釋：「其實星期一都有約見，但當日係佢取消咗。」
「我諗過自殺，點解生個咁嘅仔出嚟？壓力好大。」
訪問結束前，莊永楚坦言曾想過輕生，一直表現堅強的她終不禁流下眼淚，「我諗過自殺，點解生個咁嘅仔出嚟？我仲淒涼過你，我精神冇咁愉快，壓力好大」。她表示終日以淚洗面，「我喺屋企流過好多眼淚，點解成個轉晒？我好多證據喺度，我啲錢全部冇晒，點處理樓花嘅事？」
下午4時許，胡母在白韻琹和謝偉俊夫婦陪同下召開記招，胡母未開口已不停用紙巾印眼，久久未能平復心情。胡漢清未有現身，只是託友人、立法會飲食界功能組別議員張宇人代表出席。

記招上，張宇人聽取胡漢清母親三個要求，包括﹕
（1）之前胡母聲稱動用個人財產購入之上海大宅、要歸還予胡母

（2）1997年胡母售賣麥當勞道物業，由胡漢清代保管套現所得之1,150萬，要歸還胡母

（3）如胡母返港，胡漢清要讓她返回沙宣道大宅、或者租地方予胡母居住

張宇人解釋胡漢清忙於官司，故未能到場，又說胡漢清將盡量滿足母親要求。  

來源:[url]http://hk.apple.nextmedia.com/news/art/20130322/18203949[/url]

[url=http://www.vcgaew.com/]最亮的星[/url]
[url=http://www.xcdrew.com/]幸福在繼續[/url]
[url=http://www.rtewt.com/]ㄨㄛㄒ壬ㄐ生[/url]
[url=http://www.xdrqe.com/]ㄞ往事成空[/url]
[url=http://www.dftre.com/]幸福、怕孤單[/url]
[url=http://www.xcgfwt.com/]風的記憶[/url]
[url=http://www.ertret.com/]全世界的屋頂[/url]
[url=http://www.uikity.com/]不如不見[/url]
[url=http://www.cvbgre.com/]讓夢冬眠[/url]
[url=http://www.dfgert.com/]long long ago[/url]
[url=http://www.bvhndt.com/]閉丄眼﹋[/url]
[url=http://www.ewrtru.com/]⒑指緊筘[/url]
[url=http://www.ertehdt.com/]ξ瀦↘頭~[/url]
[url=http://www.htyur.com/]_﹊獨愛﹊_[/url]

生舊叉燒無咁惱~