洛宇戀老尷合照　情陷跑中環

羅天宇昨日與新舊緋聞女友湯洛雯及蔣家旻在中環出席「鼠戰中環慈善接力賽2013」，同場還有溫家偉、何君誠及應屆港姐劉佩玥等。天宇與湯洛雯因為合作無綫處境劇《愛．回家》撻着，日前在元朗撐枱腳食酸辣粉斷正。戀情曝光後，二人首次齊齊現身，其他藝員相當識趣，影合照時主動讓出中間位置給二人，而天宇面對新舊緋聞女友全程尷尬樣，不過三人仍大方影合照。

[img]http://static.apple.nextmedia.com/images/apple-photos/apple/20131021/large/21ec4p1a.jpg[/img]
■羅天宇與湯洛雯戀情曝光後，二人首次齊齊現身，天宇全程尷尬儍笑。

[img]http://static.apple.nextmedia.com/images/apple-photos/apple/20131021/large/21ec4p3a.jpg[/img]
■昨日慈善接力賽大合照時，一眾藝人主動讓出中間位置給緋聞主角。

[img]http://static.apple.nextmedia.com/images/apple-photos/apple/20131021/large/21ec4p4a.jpg[/img]
■羅天宇尷尬避開湯洛雯，三人合照時黐實蔣家旻（右）。

[b]劇中三角戀[/b]
天宇和湯洛雯例牌齊聲否認拍拖，天宇解畫指斷正當晚只是在元朗拍完《愛》劇收工，大家一齊食飯，他還扮風趣說：「我哋喺個劇度真係拍拖。」湯洛雯就再幫口：「呢個星期好多我哋對手戲嘅外景，所以成日會喺街見到。」問到二人目前的關係進展情況？天宇說：「只係朋友感情，佢係幾好嘅，不過我𠵱家有好機會（指拍劇），第一次同佢有感情線，仲係三角戀，大家都想專心工作。」
湯洛雯強調自己目前單身：「我就係，佢（指羅天宇）係咪就唔知。」問湯洛雯對羅天宇的感覺如何，會否接受追求？她說：「佢幾好又溫柔，好似前輩咁教我做戲，真係追先算啦！」

[img]http://static.apple.nextmedia.com/images/apple-photos/apple/20131021/large/21ec4p2a.jpg[/img]
■羅天宇與湯洛雯日前在元朗撐枱腳食酸辣粉斷正。資料圖片

[b]被讚外形襯[/b]
至於已有新戀情的舊緋聞女主角蔣家旻就置身事外，輕鬆的說：「之前一日羅天宇有打畀我話好驚，佢驚影響工作，其實佢兩個喺劇入面做銀幕情侶都幾襯，我同佢一直係兄妹朋友感情，不過我知佢拍拖都好專一，只係比較易惹桃花。」家旻並坦言公司下令她要低調處理感情事，所以不敢多談戀情問題。

來源:蘋果日報網站