2008-1-15 11:24
so82021698
5天首爾自由行
之前終去左首爾旅行，想post上網同人分享下
介紹下主角先。
美男我， 同2位好友 於9月25日第1次自由行去首爾 5天。我地係1班好鐘意周圍行的後生仔 (上年去台灣都係行得勁多)，覺得去外地旅行要慢慢自由行(最好行入民宿區)先可以睇得更深入 。當然亦因為我地係budget traveller，所以儘量都唔會坐taxi， 我地可以1日行10幾個鐘..........所以我plan 行程時以行路為主，而且好彈性 。 識我o既人就知，唔識o既你地睇睇下都可能會發覺我係1個極唔耐煩的人，所以我有d景點都只係去左門口 或者無去.......... 無錯，我地完全無去到d 咩樂園玩...興趣真係唔多大...
[color=red]以下係我起行前預計的行程， plan果陣都未知回程幾點機:
(day 1)放下行李， 行去東大門， 沿清溪川往鐘閣方向走， 行下仁寺洞， 再落返首爾巿廳， 明洞， 南大門1帶， 搭纜車上埋南山 ， 韓屋村， 再行落去， 視乎時間，天氣， 心情等再決定....
如果行得慢行唔哂就 行少d 地方， 夜晚會在明洞1帶， 南大門1帶
(2) 去 宗廟， 昌德， 昌慶宮 ， 雲峴宮， 景福宮 等 (可能會唔入去)， 之後 去新村， 梨大， 弦大， 或者去埋世界杯公園， 同汝矣島...... 有時間就去戰爭紀念館 同梨泰院......
(3) 去 水原 亂行， 返來有時間就去下江南， 無就周圍行下， 我想去下d民宅區 影下果度d 屋呀， 樓呀， 街坊呀...
(4) 有邊d景點 無去到 想去就去返.....無目的地咁周圍行下等
(5) 買下手信， 輕輕鬆鬆 等去機場[/color]
而實際行程:
[color=blue][b]DAY 1[/b]
9月24 晚上 10pm 到香港機場，約12:00am 起飛，首爾 5:30am到， 6am 上 機場大巴 602 往東大門。 真係而家先細細聲講2講，2隻野訓到成隻豬咁，真係想賣甩佢地自己落車。 巴士上每個站之前都會用韓文同英文播下站係咩，不過D英文真係好鬼難聽架........1個鐘唔夠,7am 到東大門附近下車， 住東大門及運動場方向行去 Western CO-OP Residence (間公寓酒店都幾好架)。途經座東大門，當然要影2張相喇，不過影完哩2張之後，成程旅行不斷行過都無再望佢一眼。經過清溪川，行去酒店。 放下行李後 (約07:45)，去酒店對面的公園行下，然後返去清溪川，沿清溪川往鐘路方向行，條溪仔都幾長，可能太早無咩人，不過勁多野鴿.......間中上番去沿馬路行，真係成街無人無車架......唔知以為北韓打到黎...... 見到3星大廈後(10:30)就食 m記做早餐 – 原來..... 香港d包皮係正好多呀......個豬柳包。 哩個早餐盛惠w3300. 11:00再行去3 星大廈，再沿清溪川行1少段路到其源頭(11:45)。發覺周圍都好好好好好少人，大部份店鋪又無開........ 起初以為係太早，d人仲訓緊覺，但係果陣下晝喇喎.....我好奇怪， 我地去果程係咪已經墜左機呀大佬? 因咩理由首爾下晝仲係好似鬼城咁架??? 好喇~ 往下(南?)行去明洞睇下喇，途經首爾巿廣場及德壽宮， 總算感到有少少人氣。 德壽宮免費入場喎， 緊係入左先講喇。到明洞後(13:15)行下食下 (都係無咩人)， 下1站就係南大門巿場， 條街垃圾好多好多，仲有好臭，魚腥臭加腐肉同埋垃圾，你可以下有幾臭。 然後去看1看南大門後(15:30)回酒店checkin， 睡到20:30 出去搵野食。 去左梨泰院，發覺周圍食店都關了。人唔多，不過真係西人多喎，搵唔到野食唯有去KFC，1桶餐 (w15900)。食完野(23:00)回酒店。[/color]
[img]http://i231.photobucket.com/albums/ee77/kof3000/1.jpg[/img]
韓國機場門外, 等巴士中
[img]http://i231.photobucket.com/albums/ee77/kof3000/2.jpg[/img]
東大門區， 落車果條街
[img]http://i231.photobucket.com/albums/ee77/kof3000/3.jpg[/img]
都係果條街，圖中間的是果座東大門
[img]http://i231.photobucket.com/albums/ee77/kof3000/4.jpg[/img]
首爾好多地方都有哩個地圖指示地點
[img]http://i231.photobucket.com/albums/ee77/kof3000/5.jpg[/img]
東大門其中1商場，不過張相的主題係張靚女海報
[img]http://i231.photobucket.com/albums/ee77/kof3000/6.jpg[/img]
記得小心，地下街唔連地鐵站
[img]http://i231.photobucket.com/albums/ee77/kof3000/7.jpg[/img]
好似都係商場~靚
[img]http://i231.photobucket.com/albums/ee77/kof3000/8.jpg[/img]
東大門運動場
[img]http://i231.photobucket.com/albums/ee77/kof3000/9.jpg[/img]
東大門果頭應該通宵熱鬧 (我地最夜都係點幾2點仲o係果度)，你睇d小販仲訓緊
[img]http://i231.photobucket.com/albums/ee77/kof3000/10.jpg[/img]
過馬路向右行2,3分鐘就到WESTERN CO-OP Residence，中途會經過另一間CO-OP Residence 同埋兩間GS25便利店
[img]http://i231.photobucket.com/albums/ee77/kof3000/11.jpg[/img]
酒店對面的公園
[img]http://i231.photobucket.com/albums/ee77/kof3000/12.jpg[/img]
GS25便利店內，D野飲勁貴，比起台灣，較多香港有的 飲品
[img]http://i231.photobucket.com/albums/ee77/kof3000/14.jpg[/img]
好明顯係消防車喇
[img]http://i231.photobucket.com/albums/ee77/kof3000/15.jpg[/img]
東大門運動場對面其中1間商場 - 香港都有
[img]http://i231.photobucket.com/albums/ee77/kof3000/16.jpg[/img]
東大門巿場的街道
[img]http://i231.photobucket.com/albums/ee77/kof3000/17.jpg[/img]
東大門-背面
[img]http://i231.photobucket.com/albums/ee77/kof3000/18.jpg[/img]
清川溪
[img]http://i231.photobucket.com/albums/ee77/kof3000/19.jpg[/img]
清川溪旁的路上，條橋下係清川溪，大約係乙支路4行 果段
[img]http://i231.photobucket.com/albums/ee77/kof3000/20.jpg[/img]
清川溪旁的路上，大約係乙支路4行 果段
[img]http://i231.photobucket.com/albums/ee77/kof3000/21.jpg[/img]
清川溪旁的路上，大約係乙支路4行 果段
[img]http://i231.photobucket.com/albums/ee77/kof3000/22.jpg[/img]
見到有2個華人坐o係度玩8角型的象棋，佢地好似話係 韓國象棋
[img]http://i231.photobucket.com/albums/ee77/kof3000/23.jpg[/img]
清川溪行得悶悶地，走入鐘路區
[img]http://i231.photobucket.com/albums/ee77/kof3000/24.jpg[/img]
三星大廈
[img]http://i231.photobucket.com/albums/ee77/kof3000/25.jpg[/img]
m記，d早餐大約30幾蚊港幣
[img]http://i231.photobucket.com/albums/ee77/kof3000/26.jpg[/img]
三星大廈附近的地下街
[img]http://i231.photobucket.com/albums/ee77/kof3000/27.jpg[/img]
唔易睇......
[img]http://i231.photobucket.com/albums/ee77/kof3000/28.jpg[/img]
三星大廈對面的廟
[img]http://i231.photobucket.com/albums/ee77/kof3000/29.jpg[/img]
三星大廈
[img]http://i231.photobucket.com/albums/ee77/kof3000/30.jpg[/img]
重返 清川溪
[img]http://i231.photobucket.com/albums/ee77/kof3000/31.jpg[/img]
差唔多到源頭
[img]http://i231.photobucket.com/albums/ee77/kof3000/32.jpg[/img]
可愛
[img]http://i231.photobucket.com/albums/ee77/kof3000/33.jpg[/img]
清川溪源頭上
[img]http://i231.photobucket.com/albums/ee77/kof3000/34.jpg[/img]
有d都熟口熟面
[img]http://i231.photobucket.com/albums/ee77/kof3000/35.jpg[/img]
首爾巿廣場
[img]http://i231.photobucket.com/albums/ee77/kof3000/36.jpg[/img]
德壽宮
[img]http://i231.photobucket.com/albums/ee77/kof3000/37.jpg[/img]
宮內
[img]http://i231.photobucket.com/albums/ee77/kof3000/38.jpg[/img]
宮內
[img]http://i231.photobucket.com/albums/ee77/kof3000/39.jpg[/img]
宮內
[img]http://i231.photobucket.com/albums/ee77/kof3000/40.jpg[/img]
宮內的美術館
[img]http://i231.photobucket.com/albums/ee77/kof3000/41.jpg[/img]
好多人玩佢地的傳統玩意......我地都識左d.....
[img]http://i231.photobucket.com/albums/ee77/kof3000/42.jpg[/img]
好難架..要鞭郁個陀螺....
[img]http://i231.photobucket.com/albums/ee77/kof3000/43.jpg[/img]
d傳統玩意放o係地下比人拎黎玩
[img]http://i231.photobucket.com/albums/ee77/kof3000/44.jpg[/img]
宮內
[img]http://i231.photobucket.com/albums/ee77/kof3000/45.jpg[/img]
明洞前的地下街
[img]http://i231.photobucket.com/albums/ee77/kof3000/46.jpg[/img]
明洞
[img]http://i231.photobucket.com/albums/ee77/kof3000/47.jpg[/img]
明洞
[img]http://i231.photobucket.com/albums/ee77/kof3000/48.jpg[/img]
明洞都見到有佢地....法輪功...而且國語加韓語...都幾嘈架....
[img]http://i231.photobucket.com/albums/ee77/kof3000/49.jpg[/img]
明洞
[img]http://i231.photobucket.com/albums/ee77/kof3000/50.jpg[/img]
明洞
[img]http://i231.photobucket.com/albums/ee77/kof3000/51.jpg[/img]
由明洞行去南大門一段路...又係無人架
[img]http://i231.photobucket.com/albums/ee77/kof3000/52.jpg[/img]
南大門巿場 - 1個街巿
[img]http://i231.photobucket.com/albums/ee77/kof3000/53.jpg[/img]
好彩我唔駛用公共電話....加d想像就諗到果度有幾臭
[img]http://i231.photobucket.com/albums/ee77/kof3000/54.jpg[/img]
大部份檔口都無開
[img]http://i231.photobucket.com/albums/ee77/kof3000/55.jpg[/img]
南大門
[img]http://i231.photobucket.com/albums/ee77/kof3000/56.jpg[/img]
晚上，等轉地鐵去梨泰院
[img]http://i231.photobucket.com/albums/ee77/kof3000/57.jpg[/img]
梨泰院地鐵站
[img]http://i231.photobucket.com/albums/ee77/kof3000/58.jpg[/img]
KFC
[color=darkgreen][b]DAY 2[/b]
9月26 早上約12:00pm 到安國站 ， 行往昌德宮， 條街都有不少婚紗店，不過仍然係無開，街上(應該係民宿區)都無咩人...... 12:30pm 到達昌德宮， 望左2望， 時間關係，決定唔入去 ，轉去左雲峴宮(13:10)，免費入場，仲有得試(大木槌)打年糕同埋免費穿傳統韓服拍照，我原來穿起龍袍都唔似大韓皇帝，反而果2個蟻民就著得好好睇......... 約14:00 離開，打算行去景福宮 ， 雖然行左入去民宿區，不過原來中途迷路，問完police， 要折返原路。 幾經辛苦，又餓又累， 到14:45 先到景福宮。見到勁多人，所以我地好興奮咁o係門口影左幾張相，睇左陣”交更”就當入完去 。 穿過地鐵站走2步就到土俗村人蔘雞專門店(15:30)。 碗人蔘雞湯真係好好好好好食(w12000)。 哩間d 湯好入味，人蔘味又融入哂裡面d糯米中，勁正! d 泡菜好辣， 不過杯人蔘酒就好甘。 食飽充滿能量且又懷著極度滿足之下，往梨大進發(16:30)。 梨大好多年青人，仲有好多靚女添。 出地鐵站行幾步就見到左手邊有個廣場空地及購物商場，廣場有d大石級 同 噴水柱， 環境好舒服，好多人坐o係度傾計。 個商場望落又好似好hign class 喎 - 當然要入去借個廁所喇。 可能係新商場，d店鋪唔係好多，不過個廁所就幾新幾乾淨，仲有人痞好耐都肯唔出來.......... 終於離開商場，於梨大幾條交錯縱橫的購物街走走停停。 然後慢慢往新村方向前去。由於地點接近，1路上行人不斷，都唔知邊個位開始算係新村。 新村無咁集中， 無咁多人， 無咩野買。 算~ 唔好理，行完1輪又肚餓，求其入去間少人的店鋪食野先 (18.:45)。 食完影左幾張無聊相 ， 出發往狎鷗亭，應該係因為熱鬧地點/商場並唔近地鐵站，我地亂咁行，行左個大圈 (約1小時) 就知難而退。[/color]
[img]http://i231.photobucket.com/albums/ee77/kof3000/59.jpg[/img]
從酒店(14/F)望出去，下面係公園
[img]http://i231.photobucket.com/albums/ee77/kof3000/60.jpg[/img]
鐘路3街站
[img]http://i231.photobucket.com/albums/ee77/kof3000/61.jpg[/img]
望落好多傳統結婚禮服
[img]http://i231.photobucket.com/albums/ee77/kof3000/62.jpg[/img]
小型超巿/雜貨店
[img]http://i231.photobucket.com/albums/ee77/kof3000/63.jpg[/img]
紅蔘水，幾唔錯
[img]http://i231.photobucket.com/albums/ee77/kof3000/64.jpg[/img]
往昌德宮路中
[img]http://i231.photobucket.com/albums/ee77/kof3000/65.jpg[/img]
D婚嫁服睇落都幾靚
[img]http://i231.photobucket.com/albums/ee77/kof3000/66.jpg[/img]
昌德宮
[img]http://i231.photobucket.com/albums/ee77/kof3000/67.jpg[/img]
昌德宮旁的紀念品店
[img]http://i231.photobucket.com/albums/ee77/kof3000/68.jpg[/img]
幾得意
[img]http://i231.photobucket.com/albums/ee77/kof3000/69.jpg[/img]
昌德宮門外
[img]http://i231.photobucket.com/albums/ee77/kof3000/70.jpg[/img]
好似好大好多年歷史
[img]http://i231.photobucket.com/albums/ee77/kof3000/71.jpg[/img]
昌德宮外
[img]http://i231.photobucket.com/albums/ee77/kof3000/72.jpg[/img]
宮旁賣的紅豆燒餅幾好味
[img]http://i231.photobucket.com/albums/ee77/kof3000/73.jpg[/img]
D燒雞泡魚乾都仲好味
[img]http://i231.photobucket.com/albums/ee77/kof3000/74.jpg[/img]
全部韓文
[img]http://i231.photobucket.com/albums/ee77/kof3000/75.jpg[/img]
安國站出口外
[img]http://i231.photobucket.com/albums/ee77/kof3000/76.jpg[/img]
雲峴宮內
[img]http://i231.photobucket.com/albums/ee77/kof3000/77.jpg[/img]
雲峴宮內
[img]http://i231.photobucket.com/albums/ee77/kof3000/78.jpg[/img]
試打及試食年宵，講真....唔多好食
[img]http://i231.photobucket.com/albums/ee77/kof3000/79.jpg[/img]
有人服待試穿韓國服架
[img]http://i231.photobucket.com/albums/ee77/kof3000/80.jpg[/img]
行錯路果陣
[img]http://i231.photobucket.com/albums/ee77/kof3000/81.jpg[/img]
D民宿區感覺好舒服
[img]http://i231.photobucket.com/albums/ee77/kof3000/82.jpg[/img]
D民宿區感覺好舒服
[img]http://i231.photobucket.com/albums/ee77/kof3000/83.jpg[/img]
D民宿區感覺好舒服
[img]http://i231.photobucket.com/albums/ee77/kof3000/84.jpg[/img]
D民宿區感覺好舒服
[img]http://i231.photobucket.com/albums/ee77/kof3000/85.jpg[/img]
民宿區，就在此路遇上POLICE問路.....
[img]http://i231.photobucket.com/albums/ee77/kof3000/86.jpg[/img]
景福宮門，好多人
[img]http://i231.photobucket.com/albums/ee77/kof3000/87.jpg[/img]
景福宮門
[img]http://i231.photobucket.com/albums/ee77/kof3000/88.jpg[/img]
交更
[img]http://i231.photobucket.com/albums/ee77/kof3000/89.jpg[/img]
景福宮站
[img]http://i231.photobucket.com/albums/ee77/kof3000/90.jpg[/img]
人蔘雞湯，原隻雞架，你睇D湯幾濃
[img]http://i231.photobucket.com/albums/ee77/kof3000/13.jpg[/img]
仲有泡菜同埋杯仔蔘酒
[img]http://i231.photobucket.com/albums/ee77/kof3000/91.jpg[/img]
就係哩間喇~ 真係幾正架
[img]http://i231.photobucket.com/albums/ee77/kof3000/92.jpg[/img]
燒魷魚, 雞泡魚乾的小食檔.....梨大站外
[img]http://i231.photobucket.com/albums/ee77/kof3000/93.jpg[/img]
商場外個廣場空地幾大幾多人坐架
[img]http://i231.photobucket.com/albums/ee77/kof3000/94.jpg[/img]
商場內好多鋪都無開
[img]http://i231.photobucket.com/albums/ee77/kof3000/95.jpg[/img]
商場內影出去
[img]http://i231.photobucket.com/albums/ee77/kof3000/96.jpg[/img]
商場內影出去
[img]http://i231.photobucket.com/albums/ee77/kof3000/97.jpg[/img]
商場門口影出去
[img]http://i231.photobucket.com/albums/ee77/kof3000/98.jpg[/img]
梨大購物街
[img]http://i231.photobucket.com/albums/ee77/kof3000/99.jpg[/img]
梨大購物街，好多人
[img]http://i231.photobucket.com/albums/ee77/kof3000/100.jpg[/img]
梨大購物街，好多野買
[img]http://i231.photobucket.com/albums/ee77/kof3000/101.jpg[/img]
香港都有喇
[img]http://i231.photobucket.com/albums/ee77/kof3000/102.jpg[/img]
行往新村
[img]http://i231.photobucket.com/albums/ee77/kof3000/103.jpg[/img]
狎鷗亭 站
[img]http://i231.photobucket.com/albums/ee77/kof3000/104.jpg[/img]
回到東大門巿場
[img]http://i231.photobucket.com/albums/ee77/kof3000/105.jpg[/img]
東大門D商場外
[color=darkred][b]DAY 3[/b]
9月27 早上10:00出發向水原 ，到達水原國鐵/火車站時約11:50.........企左咁耐，落左車就於車站商場的food court食個早餐先.........石頭鍋飯...... 食落先知又係好辣。 個demo睇落都唔覺得會咁辣架喎........... 食飽就出國鐵/火車站， 先向左行去Information 度問下點去水原列車度先，比左張有地方名(八達門 同埋 水原車站)的貓紙， 叫我地3個的士去 八達門， 話會平過坐bus..... ， 又對住張地圖指我地睇， 話落車要行一小段路 到左華城行宮 就左轉， 再行幾級樓梯就見個觀光列車.......仲有兩點半會開喎......... 我地諗住難得去到水原，就同2個朋友講: “咁難得黎到水原，我地朝八達門方向行一陣睇下d人， 地方， 店鋪先喇， 行到累果陣咪跳上的士囉。”
1致同意之下，我對住張中文地圖行下行下，行下行下1陣咁大把，我就求其指住地圖上1點話: “ 你地睇下，我地而家大約在哩度，原來行咁短時間就行左差唔多1半。你地睇，前面咪係 咩稅局大廈囉。” ， “咁快呀，咁行快2步喇，好彩頭先無上的士咋。”
約1個鐘之後，我地見到八達門。而理所當然喇，我地中途完全無見過咩稅局大廈之類。 只係望下地圖，睇下d路牌 咁就行到過去。
行到山腳邊的 華城行宮， 先知果幾級樓梯係指要行上山，好在上山條路唔係好斜好長........ 14:15 上到， 買飛(1500w)，洗個面， 都未企夠車就到左喇，影左幾張相就上車回下氣兼等開車。 車程唔算好長，都唔算短， 穿梭於山路馬路同行人路，仲有穿過休憩公園。 風景幾好，感覺都幾有趣，值得1坐。 不過只係行左華城半個圈，總站在蒼龍門。如果要返去 上車果度的話要比$坐多程行埋其餘半個圈。
落車天色好陰，我地沿城牆行左一陣，玩左一陣(15:40)就坐的士返國鐵/火車站(用左之前張貓紙)。 架的士個錶跳得好快，原來想在附近的街上找店鋪祭廟，搵唔到，就返入food court 食野。 日式鐵鍋飯(?)好好食又唔辣。 食埋雪糕 行埋商場 就坐國鐵1號(約18:00)線返去東大門運動場。程車好耐，其間見到韓國人真係有傳閱報紙的習慣，應該話係見d人睇完報紙就放上坐座上方的置物架上，好快就有人拎黎睇。 在酒店休息個幾鐘， 換對拖鞋於東大門運動場左近的商場行下，幾個商場都好似樣，第1，2樓係女人野， 3，4樓係男人野，其他層係賣各類野為主。 在其中1個商場的food court 食埋野就回酒店(約00:30)。[/color]
[img]http://i231.photobucket.com/albums/ee77/kof3000/106.jpg[/img]
轉地鐵1號線往水原站
[img]http://i231.photobucket.com/albums/ee77/kof3000/107.jpg[/img]
1號線其中1個站，我都唔記得係咩名喇，你地韓文好D，睇到話番我知
[img]http://i231.photobucket.com/albums/ee77/kof3000/108.jpg[/img]
FOOD COURT
[img]http://i231.photobucket.com/albums/ee77/kof3000/109.jpg[/img]
我個 八爪魚石頭鍋飯
[img]http://i231.photobucket.com/albums/ee77/kof3000/110.jpg[/img]
INFORMATION 門外
[img]http://i231.photobucket.com/albums/ee77/kof3000/111.jpg[/img]
INFORMATION 拎的中文地圖，，你睇，有中文之餘又簡略，多得佢先點到我班FDS!
[img]http://i231.photobucket.com/albums/ee77/kof3000/112.jpg[/img]
水原
[img]http://i231.photobucket.com/albums/ee77/kof3000/113.jpg[/img]
水原
[img]http://i231.photobucket.com/albums/ee77/kof3000/114.jpg[/img]
水原
[img]http://i231.photobucket.com/albums/ee77/kof3000/115.jpg[/img]
消防局
[img]http://i231.photobucket.com/albums/ee77/kof3000/116.jpg[/img]
留意圖左的道路指示牌，都係多得佢 我地先去到
[img]http://i231.photobucket.com/albums/ee77/kof3000/117.jpg[/img]
望到八達門
[img]http://i231.photobucket.com/albums/ee77/kof3000/118.jpg[/img]
八達門
[img]http://i231.photobucket.com/albums/ee77/kof3000/119.jpg[/img]
八達門
[img]http://i231.photobucket.com/albums/ee77/kof3000/120.jpg[/img]
上山果幾級樓梯...
[img]http://i231.photobucket.com/albums/ee77/kof3000/121.jpg[/img]
華城列車
[img]http://i231.photobucket.com/albums/ee77/kof3000/122.jpg[/img]
山上
[img]http://i231.photobucket.com/albums/ee77/kof3000/123.jpg[/img]
列車途經華虹門，不過無得落車
[img]http://i231.photobucket.com/albums/ee77/kof3000/124.jpg[/img]
水原華城
[img]http://i231.photobucket.com/albums/ee77/kof3000/125.jpg[/img]
好似係蒼龍門
[img]http://i231.photobucket.com/albums/ee77/kof3000/126.jpg[/img]
水原華城
[img]http://i231.photobucket.com/albums/ee77/kof3000/127.jpg[/img]
最頂的就是下午FOOD COURT 食的日本鐵鍋飯
[img]http://i231.photobucket.com/albums/ee77/kof3000/128.jpg[/img]
車站商場店鋪
[img]http://i231.photobucket.com/albums/ee77/kof3000/129.jpg[/img]
水原車站
[color=purple][b]DAY 4[/b]
9月28 早上去左戰爭紀念館 (三角地站， 11:45)，好多飛機大炮直昇機，影相影過唔停，勁開心。 在外面影夠玩夠就走 (13:45)，都無比$$入去主樓內面睇。 然後去明洞站，往南山方向行，其間入左間店鋪度食野。 在門口影demo， 點知入到去都有相，唔駛show 拎相機比佢地睇。 間鋪唔大，而且果個時間又無人，好靜。 食飽就開始上斜，往纜車站出發。 幾條斜路在民宅中，我好鐘意行哩d地方。上完斜路到去見到好大個牌: “中國大使館領事部”， 旁邊就係 纜車站。原本諗住買單程，然後行落去南山韓屋村，不過唔記得點解後來決定買來回。架纜車上的位應該只夠4-6個人坐，其他十幾二十人都係企，不過車程唔長。 諗一諗， 昂平好似扺玩d。 望出窗風影1般，上到南山頂望落去仲靚d。 在山頂行行企企，決定唔上南山塔。 (上年我地去完台灣101後，對哩類風景塔一d興趣都無.....) 落左南山之後就行明洞，去埋LOTTE 商場度買零食，泡菜﹐紫菜等做 手信，不過D野都唔平喎。 究竟LOTTE 係韓國品牌定日本架呢??? 在韓國周圍都見到LOTTE.........
去完LOTTE， 就在明洞d細街內食人蔘雞(w11000)，哩間店d雞味勁重，好鮮甜，相比土俗村，d湯就無咁濃，條蔘又幼d ， 不過額外又多左小半碗糯米喎。 我2個朋友話都話好食，不過就都係鐘意土俗村多d，我就鐘意哩間多d。 食飽行多陣，就有去世宗酒店後面的小店DREAM MART買零食返酒店。[/color]
[img]http://i231.photobucket.com/albums/ee77/kof3000/130.jpg[/img]
三角地站
[img]http://i231.photobucket.com/albums/ee77/kof3000/131.jpg[/img]
三角地站
[img]http://i231.photobucket.com/albums/ee77/kof3000/132.jpg[/img]
戰爭紀念館
[img]http://i231.photobucket.com/albums/ee77/kof3000/133.jpg[/img]
好多軍車
[img]http://i231.photobucket.com/albums/ee77/kof3000/134.jpg[/img]
又有戰機
[img]http://i231.photobucket.com/albums/ee77/kof3000/135.jpg[/img]
大型戰機內
[img]http://i231.photobucket.com/albums/ee77/kof3000/136.jpg[/img]
戰機
[img]http://i231.photobucket.com/albums/ee77/kof3000/137.jpg[/img]
直昇機
[img]http://i231.photobucket.com/albums/ee77/kof3000/138.jpg[/img]
戰機
[img]http://i231.photobucket.com/albums/ee77/kof3000/139.jpg[/img]
大炮
[img]http://i231.photobucket.com/albums/ee77/kof3000/140.jpg[/img]
好奇怪.....戰爭紀念館 中間有個傳統廟門喎
[img]http://i231.photobucket.com/albums/ee77/kof3000/141.jpg[/img]
直昇機
[img]http://i231.photobucket.com/albums/ee77/kof3000/142.jpg[/img]
賣紀念品的
[img]http://i231.photobucket.com/albums/ee77/kof3000/143.jpg[/img]
食店外的DEMO
[img]http://i231.photobucket.com/albums/ee77/kof3000/144.jpg[/img]
食站內原來有相.....我食左牛肉飯
[img]http://i231.photobucket.com/albums/ee77/kof3000/145.jpg[/img]
FD個餐......食完
[img]http://i231.photobucket.com/albums/ee77/kof3000/146.jpg[/img]
開始上斜去南山纜車站
[img]http://i231.photobucket.com/albums/ee77/kof3000/147.jpg[/img]
上斜
[img]http://i231.photobucket.com/albums/ee77/kof3000/148.jpg[/img]
一路上斜都係民宿區
[img]http://i231.photobucket.com/albums/ee77/kof3000/149.jpg[/img]
纜車站旁
[img]http://i231.photobucket.com/albums/ee77/kof3000/150.jpg[/img]
南山上
[img]http://i231.photobucket.com/albums/ee77/kof3000/151.jpg[/img]
南山N塔
[img]http://i231.photobucket.com/albums/ee77/kof3000/152.jpg[/img]
南山上
[img]http://i231.photobucket.com/albums/ee77/kof3000/153.jpg[/img]
有成班小學生黎
[img]http://i231.photobucket.com/albums/ee77/kof3000/154.jpg[/img]
南山上
[img]http://i231.photobucket.com/albums/ee77/kof3000/155.jpg[/img]
纜車內
[img]http://i231.photobucket.com/albums/ee77/kof3000/156.jpg[/img]
明洞
[img]http://i231.photobucket.com/albums/ee77/kof3000/157.jpg[/img]
明洞
[img]http://i231.photobucket.com/albums/ee77/kof3000/158.jpg[/img]
明洞
[img]http://i231.photobucket.com/albums/ee77/kof3000/159.jpg[/img]
明洞有人賣遮....佢打算全部開哂喎......
[img]http://i231.photobucket.com/albums/ee77/kof3000/160.jpg[/img]
LOTTE
[img]http://i231.photobucket.com/albums/ee77/kof3000/161.jpg[/img]
LOTTE內的升降機影出去
[img]http://i231.photobucket.com/albums/ee77/kof3000/162.jpg[/img]
百濟人蔘雞湯 店影出去
[img]http://i231.photobucket.com/albums/ee77/kof3000/163.jpg[/img]
LOTTE 內....泡菜
[img]http://i231.photobucket.com/albums/ee77/kof3000/164.jpg[/img]
明洞
[img]http://i231.photobucket.com/albums/ee77/kof3000/165.jpg[/img]
明洞
[img]http://i231.photobucket.com/albums/ee77/kof3000/166.jpg[/img]
明洞
[img]http://i231.photobucket.com/albums/ee77/kof3000/167.jpg[/img]
世宗酒店後 的零食雜貨店
[color=sienna][b]DAY 5[/b]
9月29， 早上checkout 後放底行李後出去搵機場大巴站，就在第一日落車位馬路對面，行多陣就返酒店拎行李去等車，車程1個鐘。 我地時間太趕﹐14:30先check in.....我地坐15:25班機，差d過左checkin 時間 (14:45)........
時間18:00， 三人回歸香港， 心仍在首爾.........[/color]
[img]http://i231.photobucket.com/albums/ee77/kof3000/169.jpg[/img]
東大門 APM商場外
[img]http://i231.photobucket.com/albums/ee77/kof3000/170.jpg[/img]
DOOTA
[img]http://i231.photobucket.com/albums/ee77/kof3000/171.jpg[/img]
果日清川溪好多人
[img]http://i231.photobucket.com/albums/ee77/kof3000/172.jpg[/img]
黎果程落車果條街
[img]http://i231.photobucket.com/albums/ee77/kof3000/173.jpg[/img]
回程的機場巴士站，就在落車對面
[img]http://i231.photobucket.com/albums/ee77/kof3000/174.jpg[/img]
黎果程落車果條街，好多地攤，熱鬧得多
[img]http://i231.photobucket.com/albums/ee77/kof3000/175.jpg[/img]
黎果程落車果條街，好多小食檔
[img]http://i231.photobucket.com/albums/ee77/kof3000/176.jpg[/img]
GS25 便利店
[img]http://i231.photobucket.com/albums/ee77/kof3000/177.jpg[/img]
仁濟機場，一大班日本學生
[img]http://i231.photobucket.com/albums/ee77/kof3000/178.jpg[/img]
仁濟機場
[img]http://i231.photobucket.com/albums/ee77/kof3000/179.jpg[/img]
搵唔搵到我班機
[img]http://i231.photobucket.com/albums/ee77/kof3000/180.jpg[/img]
香港上空，望落去好似唔高
[b][color=cyan]總括來說，這5日勁開心，韓國人都幾nice...尤其較年青的人..... 不過d英文就真係麻麻.... 唔知同日本比較邊個叻d 呢 ? (我開始做research, plan 緊下年日本自由行)
東大門，南大門都比較想像中失色...... 因為都幾污糟, 又臭........
有d野要讚， 佢地m記同kfc , d人食完會自己收拾d野，應該好多外國地方都係咁....我覺得香港可以學下
另外佢地o係地鐵上傳閱報紙的習慣我覺得都幾好呀~ 1個人睇完就將份報紙放上行李架, 立即有人去拎黎睇，佢地習慣左，唔會尷尬， 不過香港地鐵無個行李/置物架比人放睇完的報紙......
d人真係好nice, 我地問路果個police, 佢地英文麻麻，但講之餘不斷用身體語言，仲驚我地唔明，帶我地行幾步出左街口再教我地....... 其實我明架，我有地圖o係手，只係行錯路，唔係真係蕩失路.... haha~ 你地又信唔信? [/color][/b]